Толқын Арал аудандық қоғамдық-саяси газет
» » Қызылордада өзбекстандық азамат жол апатына себепкер болды

Қызылордада өзбекстандық азамат жол апатына себепкер болды

Қызылорда облысы Жалағаш ауданы аумағында жол-көлік оқиғасы болды. Жол бойында екі көлік бір-бірімен соқтығысып қалды, деп хабарлайды ҚазАқпарат тілшісі.
Жол-көлік оқиғасы Жалағаш ауданы Бұқарбай батыр ауылының тұсында орын алған. Өзбекстан азаматы айдап келе жатқан «Hyundai Porter» автокөлігі қарсы бағытқа шығып кеткен. Салдарынан көлік иесі Қызылорда қаласы тұрғыны мініп келе жатқан «Volkswagen Crafter» автокөлігімен соқтығысып қалған.
«Жол апатынан қайтыс болғандар жоқ. Зардап шеккен бір азамат медициналық мекемеге жеткізілді. Аталған дерек бойынша ҚР Қылмыстық Кодексінің 345-бабының 2-бөлігіменсотқа дейінгі тергеп-тексеру амалдары жүргізілуде. Онда көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы жағдайы көрсетілген. Тиісті сараптамалар тағайындалды. Оқиғаның мән-жайы анықталуда», - деп мәлім етті Қызылорда облыстық полиция департаментінің баспасөз қызметі ҚазАқпарат тілшісіне.
https://www.inform.kz/kz/kyzylordada-ozbekstandyk-azamat-zhol-apatyna-sebepker-boldy_a3569399
26 қыркүйек 2019 ж. 356 0