Толқын Арал аудандық қоғамдық-саяси газет
» » Данияр Елеусінов Головкин айқасының андеркартында өнер көрсетеді

Данияр Елеусінов Головкин айқасының андеркартында өнер көрсетеді

НҰР-СҰЛТАН. ҚазАқпарат - Қазақстандық кәсіпқой боксшы Данияр Елеусінов (6-0, 3 КО) кәсіби бокстағы келесі айқасын 25 мамырда АҚШ-та украиналық әлем чемпионы Александр Усик (16-12 КО)  пен француз боксшысы Карлос Такаманың (36-5-1, 28 КО) бокс кешінде өткізуі керек еді. Алайда, Sports.kz сайтында жарияланғандай, Риодағы олимпиада чемпионының командасы айқасты кейінге шегеру туралы шешім қабылдаған, деп хабарлайды ҚазАқпарат.
Бұл туралы қазақстандық боксшының менеджері Зия Әлиев айтты.  «Даниярдың жекпе-жегінің өтетін күнін 25 мамырдан 8 маусымға - Геннадий Головкиннің кешіне ауыстыруды жөн көрдік. Айқас 10 раундтан тұрады, ал оның қарсыласын жақында жариялаймыз», - деді дереккөз. Еске салайық, 8 маусымда орта салмақтағы бұрынғы әлем чемпионы Геннадий Головкин (38-1-1, 34 КО) Нью-Йоркте жеңіліп көрмеген канадалық Стив Роллспен (19-0, 10 КО) кездеседі.
04 мамыр 2019 ж. 198 0