"Қазақстандық футболдың 90 пайызы - дарынсыз адамдар" - Боранбаев
"Қайрат" бақылау кеңесінің төрағасы Қайрат Боранбаев Sports True-ге берген сұхбатында қазақстандық футболдағы мәселелер туралы баяндап, оның 90 пайызы дарынсыз адамдардан құралғанын айтты. Сонымен қатар, Боранбаев футбол туралы заң шығаруды ұсынды"Қазақстан футболында мәселелер бар - мұны бәрі біледі. Менің тәжірибем көп емес - бар болғаны бес жыл, бірақ маған дейін де бұл проблемалар болғанын естідім. Оң өзгерістер бар, бірақ олар байқалмайды", - деді футбол функционері. "Бізде футболды толықтай мемлекет қаржыландырады. Футбол туралы заң дайындау қажет. Бұқаралық және кәсіпқой футболды бөліп, кім және нені қаржыландыратынын түсінуі керек. Қала әкімдері клубтарды қаржыландырады - оларға сұрақ жоқ. Мәселе клубтардың оны игеруінде. Мысалы, бізде бір алаңды ұстап отыру үшін жылына 25 мың доллар кетеді. Жақында Квочкин базасының алаңын 200 мың долларға жөндедік. Қазақстандық клубтарда инфрақұрылымға ақша беріледі, бірақ оларды жүзеге асырмайды. Мен жалақыларды жақсы білемін. 200 мың доллар көп ақша емес, клубтар жалақыдан үнемдеп, сол қаражатты инфрақұрылымға жұмсауы қажет", - деп Боранбаев мәселелерді шешу жолын атады. Кәсіпкердің айтуынша, қазақстандық футболда үш мәселе бар - бұлар инфрақұрылым, төрешілер және легионерлер: "Бізде алты легионерге ойнауға рұқсат берілген. Бұл өте көп. Біз зейнетке кетейін деп жатқан шетелдіктерді дайындаймыз ба? Түсінесіз бе, ешкімді ренжіткім келмейді. Алайда легионерлер көп, бірақ біздің ойыншыларымыздың деңгейі өскенін байқамадым. Бір жағынан, қазақстандық жас ойыншылардың ойнауына мүмкіндік бермейміз. Легионер шақырғанша, жоғары деңгейлі ойыншыны өсіріп шығарғанымыз арзандау болады. Клубтардың оны жасағысы келмейді. Неге қазақстандық ойыншылардан ешкім шетелдік чемпионаттарда ойнамайды? Неге бізге Балтық жағалауы мен ТМД елдерінің футболшылары келуге тырысады? Себебі бізде жалақы көп". Қазақстандық футболдағы кәсіпқойлар мен кездейсоқ адамдардың ара салмағы қанша деген сұраққа Боранбаев былай жауап берді: "Дарынсыз адамдардың пайдасына 90 да 10. Неге екенін білмеймін. Мемлекеттен қаражат бөлінеді, бірақ клубтар оны қадағаламайды". Сондай-ақ "Қайраттың" басшысы клубтағы жұмысы үшін Қазақстан футбол федерациясын басқарудан екі рет бас тартқанын айтты, бірақ болашақта бұл қызметке тағайындалуы мүмкін екенін де тілге тиек етті.
