Толқын Арал аудандық қоғамдық-саяси газет
» » Қазақстанда дәрі-дәрмек қаншалықты қымбаттады?

Қазақстанда дәрі-дәрмек қаншалықты қымбаттады?

   Елдегі фармацевтикалық кенцерндердің жұмысы былтырғы құлдыраудан кейін қайта қарқын ала бастады, деп хабарлайды qamshy.kz  сайты.
   Дәрілік заттар өндірісінің жалпы жиынтығы былтырғы 55,5 млрд теңге көрсеткішінен, биыл 65,3 млрд теңге шамасына дейін артқан. Өнеркәсіптік өндіріс индексі 112,5 пайызды көрсеткен. Аталған саладағы өнеркәсіп орындары Шымкент (23,1 миллиард теңге), Алматы қалалары (14,2 миллиард теңге) мен Алматы облысында (21,1 миллиард теңге) шоғырланған.   
   Өндіріс көлемінің артқанына қарамастан дәрі-дәрмек бағасы бір жылда 8,2 пайызға қымбаттаған. Дәрумендер 11,4 пайызға қымбаттаса, анальгетиктер бағасы 10,6 пайызға, корвалол мен антибиотиктер бағасы 9,3 пайызға өскен.
   Келер жылдың 1 қаңтарынан балаларға дәрігерлер тағайындаған дәрілер медсақтандыру аясында тегін ұсынылмақ. Бұл бастама қажетті препораттардың үштен бірін қамтитын болады.


05 қараша 2019 ж. 216 0