Қала көшелерін еріген қар суларынан тазарту жұмыстары жалғасуда деп хабарлайды аудан әкімдігінің баспасөз қызметі. Қаланың санитарлық-тазалық жұмыстарына жауапты мердігер «Арал тынысы» жауапкершілігі шектеулі серіктестігі мекемесі күшейтілген режимде тәулік бойы жұмыс жасауда. Су тарту жұмыстары су айдау насостары (мотопомпалар) мен су тартқыш машиналардың көмегімен жүргізілуде. Аталған жұмыстарға қосымша 4 жеке кәсіпкердің су тартқыш (ассенизатор) автокөліктері де жұмылдырылды.