Толқын Tolqyn.kz ақпараттық агенттігі
» » АРАЛДА КӨКТЕМГІ ТАЗАРТУ, КӨРКЕЙТУДІҢ ЕКІ АЙЛЫҒЫ ЖАРИЯЛАНДЫ

АРАЛДА КӨКТЕМГІ ТАЗАРТУ, КӨРКЕЙТУДІҢ ЕКІ АЙЛЫҒЫ ЖАРИЯЛАНДЫ

«Тазалық - саулық негізі» дейді дана халқымыз. Тазалық жоқ жерде елдің болашағы бұлыңғыр, келешегі күмәнді болары хақ. Осы орайда, Арал ауданының әкімі М.Оразбаевтың өкіміне сәйкес аудан елді мекендерінде санитарлық тазарту, көркейту және көгалдандырудың екі айлығы басталды. Өкімге сәйкес, тазалық айлығы үстіміздегі жылдың 10 наурыз және 12 мамыр күндері аралығында өткізіледі. Тазалық айлығы барысында аудан орталығы мен барлық елді мекендерде күл-қоқыстарды жинау, тазалау, көшеттер отырғызу, гүл егу жұмыстары жүргізіледі деп жоспарланған. 
Осы ретте, әрбір аудан тұрғынын, әрбір мекемелерді көктемгі тазалық айлығына жылдағы дәстүрге сәйкес белсене атсалысуға шақырамыз. Алдағы уақытта ауданда ұйымдастырылған сенбіліктер аудандық «Толқын» газетінде, аудан әкімінің ресми сайтында және "Фейсбук" әлеуметтік желісіндегі аудан әкімдігінің ресми парақшасы арқылы тұрақты түрде ақпараттандырылатын болады.
17 наурыз 2018 ж. 2 024 0