«Татуласу: сотқа дейін, сотта» пилоттық жобасы аясында

Арал аудандық сотына талап қоюшы «Қызылорда облыстық орман шаруашылығы және жануарлар дүниесі аумақтық инспекциясы» жауапкер У-дан жануарлар дүниесіне келтірілген залал 334 815 теңге өндіру туралы талаппен жүгінген.

Қазақстан Республикасының Азаматтық процестік кодексінің 4-бабына сәйкес, дауды бейбіт жолмен реттеуге жәрдемдесу азаматтық сот ісін жүргізудің міндеттерінің бірі болып табылады.

Осыған орай, сотпен тараптарға дауды татуластыру рәсімдері арқылы шешу құқықтары және олардың құқықтық салдары түсіндірілген. Соттың бұл еңбегі еш кеткен жоқ.
Жауапкердің жануарлар дүниесіне келтірілген залалды өзара келісілген уақытта төлеуге келісуіне байланысты, іс сотқа дейінгі іс жүргізу сатысында тоқтатылды. Татуласу келісімінің шарттары тараптар арасында жасалып, келісілген шартта көрініс тапқан.
Сот ұйғарымымен татуласу келісімі бекітіліп, іс жүргізу өндірістен тоқтатылды.
Арал аудандық сотының
баспасөз қызметі