ОБЛЫС ПРОКУРОРЫНЫҢ ОРЫНБАСАРЫ АРАЛ АУДАНЫНДА БОЛДЫ

Кеше Қызылорда облысы прокурорының орынбасары Ерманов Нұрлан және Қызылорда облысы бойынша жеке сот орындаушыларының өңірлік палатасының төрағасы Кириль Викторович жұмыс сапарымен Арал ауданында болды. Алдымен аудандық прокуратура ғимаратында жеке қабылдау өткізіп, тұрғындардың өтініш-тілектерін тыңдады.

Қабылдауда тұрғындар қаладағы темір жол өткеліне аспалы көпір қажеттілігі және жол жөндеу, жарықтандыру сынды түрлі әлеуметтік мәселелер бойынша ұсыныстарын жеткізді. Сонымен қатар, кездесуде борышкерлердің түрлі жағдайларға байланысты уақытылы алимент төлемеуі мәселесімен бірнеше азаматша жүгінді.

Қабылдаудан соң уәкілетті органдардың қатысуымен өткен ведомствааралық мәжілісте облыс прокурорының орынбасары аудан прокуроры мен полиция бөліміне және жеке сот орындаушыларына аудан әкімшілігімен бірлесіп алимент және айыппұл өндіру бойынша тиісті жұмыстарды жандандыру қажет екендігін тапсырды.
Ауданға жасаған сапары барысында Нұрлан Ермекбайұлы Арал қаласы мен Сексеуіл кентіндегі уақытылы алимент төлемей жүрген борышкерлердің тұрғылықты мекен-жайларына болып, түсіндірме жұмыстарын жүргізді.