ЖАҢА ОҚУЛЫҚТАР – ЖАҢАЛЫҚТЫҢ ЖАРШЫСЫ

Елбасы Н.Назарбаевтың СЕРПІЛІС «Болашаққа бағдар: рухани жаңғыру» мақаласы аясында көзделген маңызды мәселелер бүгінде оң шешімін тауып келеді. Соның ішінде «Жа­ңа гуманитарлық білім. Қа­зақ тіліндегі 100 жаңа оқу­лық» жобасы аясында әлем халықтарының рухани құндылық­ тарын қазақ тіліне аудару болды. Бүгінде бұл игі іс өз бастауын алып, жоба аясында 18 кітап жарық көрді. Көкірегі ояу оқыр­ манға үлкен сый болған кітаптар таяу күнде кітапханалар мен жоғары оқу орындарына тегін жеткізіліп, сүйікті оқырманына жол тартпақ.

Кітаптар әлеуметтану, психология, лингвистика, экономика, кәсіпкерлік, дінтану, антропология, журналистика және басқа салалардағы кең ауқымды ғылыми білімді қамтитын оқу құралы болмақ. Сондай-ақ, ғылыми аударма шеңберінде терминология, сөзжасам, стиль және аударма сапасын анықтайтын басқа да аспектілер мен қағидалар айшықталған.

 Бұл игі бастама қазақ жастарының шет елдердің әдебиеті мен мәдениетін кеңінен танып-білуіне, өз білімдерін жетілдіруге үлкен септігін тигізгелі отыр. Тіпті, оқулық арқылы әлем елдерінің өзіндік болмысын танып-білген жастардың ғылым-білімге деген қызығушылығы артып, шет елде білім алуға құлшынысы оянары хақ.

 Міне, 10 мың дана таралыммен шыққан кітаптар аз уақытта қолымызға тимек. Бұл–біз үшін зор қуаныш. Осындай қарқынмен алдағы күндері де оқулық саны еселене түссе, нұр үстіне нұр болар еді.

 Мейрамкүл СӘРСЕНБАЕВА,

 №231 орта мектептің мұғалімі.