Құқық бұзушылық профилактикасы жөнінде ведомствоаралық комиссия отырысы өтті
Кеше аудан әкімі Мұхтар Оразбаевтың төрағалығымен аудан әкімдігі жанындағы құқық бұзушылық профилактикасы жөніндегі ведомствоаралық комиссияның кезекті отырысы өткізілді.Комиссия отырысында жұмыс жоспарына сәйкес 1 мәселе және жоспардан тыс қосымша 1 мәселе қаралады. Күн тәртібіндегі бірінші мәселе - кәмелетке толмағандар мен жастар арасындағы құқық бұзушылық профилактикасы туралы аудандық білім бөлімінің басшысы С.Жанназарова және аудандық полиция бөлімінің бастығы Ә.Өтегенов хабарлама жасап, өзекті мәселе аясында атқарылған жұмыстардың барысына тоқталды. 
Белгілі болғандай, ағымдағы жылдың 9айының қорытындысымен кәмелет жасына толмағандармен ұрлық қылмысын жасау және кәмелет жасқа толмаған жасөспірімдерге жасалған қылмыс деректері орын алмаған. Дегенмен, бұл көрсеткіш жүйелі жұмыстардың нәтижесінде қол жеткізілгендігін атап өткен аудан басшысы мәселенің өзектілігі тұрақты күшінде екендігін жеткізіп, босаңсуға жол жоқ екендігін ескертті.Комиссия отырысында одан әрі 2020 жылдың 9 айындағы орын алған бөтеннің мүлкін ұрлау қылмыстарының алдын алу бойынша атқарылған шаралардың барысы қаралды. Аталған мәселе бойынша аудандық полиция бөлімінің бастығы Ә.Өтегенов, Жақсықылыш кентінің әкімі П.Берсүгіров және Жақсықылыш кентінің учаскелік полиция инспеторы Д.Искаков хабарлама жасап, жүргізілген жұмыстардың нәтижелері туралы баяндады.
Жиын қорытындысымен аудан әкімі аталған мәселелер жөнінде алдағы уақытта кемшіліктерге жол бермеу жөнінде тиісті сала басшылары мен ауылдық округ әкімдеріне нақты тапсырмалар жүктеді.
