Ауданда рейд шаралары жалғасуда

Аудан көлемінде коронавирус індетінің алдын алу, таралуын болдырмау мақсатында тиісті жұмыстар жүргізіліп келеді. Санитарлық талаптардың сақталуын қадағалау үшін құрылған мобильді топтың тексеріс шаралары жалғасуда.

Карантин режиміне сәйкес кәсіпкерлік нысандар, дүкендер, дәмханалар және өзге де қоғамдық тамақтану орындары, көлік жуу орталықтары күшейтілген санитариялық-дезинфекциялық режимді сақтап, белгіленген уақыттан кейін жұмысын тоқтатуы қажет. Сонымен қатар, тұрғын үйлерде адамдардың көп шоғырлануын болдырмау үшін жиын-тойларды өткізуге тыйым салынады.

Мобильді топ тарапынан жүргізілген кезекті рейд шараларының нәтижесінде 4 кәсіпкерлік нысанда санитарлық талаптардың бұзылу жағдайлары анықталды. Соған сәйкес қолданыстағы заңнама аясында хаттама толтырылып, тиісті органдарға жолданды.