ШАХМАТ ОЙЫНЫ ОЙДЫ ДАМЫТУДЫҢ ЖАТТЫҚТЫРУШЫСЫ
28 маусым күні «Қамбаш» олимпиядалар және қосымша білім беру орталығында 6-14 жас аралығындағы балалар арасында облыстық шахматтан турнир басталды. Турнирге аудан әкімі М. Оразбаев, облыстық білім басқармасы мен шахмат федерациясының мамандары және жас шахматшылар қатысты. Турнирдің мақсаты балалардың ой-өрісін дамыту, шахматқа деген қызығушылықтарын арттыру болатын.Жиында Аудан басшысы сөз сөйлеп: « Бұл ойын мектеп оқушылары үшін ақыл-ойды дамытудың жақсы жаттықтырушысы. Ендеше бүгінгі шахмат додасына қатысушыларға сәттілік серік болсын дей отырып, жеңіс тұғырынан көрінулеріңізге тілектеспін»,- деп жүрек жарды лебізін білдірді. Жарыс 28 маусыммен 6 шілде аралығында жалғасады деп күтілуде.
