Антитеррорлық оқу-жаттығу өткізілді

Ағымдағы жылдың 12-тамызында Арал қаласында антитеррорлық оқу-жаттығу өткізілді.

Іс-шараның мақсаты - террорлық қауіп төнген жағдайда мемлекеттік органдардың өзара іс-қимыл жасасуының дағдыларын қалыптастыру.

102 желісіне келіп түскен қоңырауға байланысты  келеңсіз жағдайдың алдын алу үшін  құқық қорғау органдарының қызметкерлері жұмылдырылды.

Оқу-жаттығуға байланысты №19 Арал ауданының олимпиадалық резервтің мамандандырылған балалар-жасөспірімдер мектебінің күрес залы штаб ретінде белгіленіп, оған өтуге шектеу енгізілді.

Тұрғындарға алаңдатушылыққа бой алдырмай, қауіпсіздік шараларын сақтап, оқу-жаттығу жұмыстарына қатысатын құқық қорғау органдары қызметкерлерінің заңды талаптарын сақтау жөнінде әлеуметтік желелерде хабарламалар беріліп, дыбыс ұлғайтқыш құрылғылар арқылы құлақтандырылды.

Құқық қорғау органдары қызметкерлерінің жедел іс-әрекеттерінің нәтижесінде оқу-жаттығудағы терррорлық әрекеттер жасамақшы болғандар дер кезінде құрықталды.

Арал аудандық ішкі саясат бөлімі