Наурыз мерекесінде жәрмеңке ұйымдастырылды

Кеше Наурыз мерекесіне орай аудан орталығында ауылшаруашылығы өнімдерінің жәрмеңкесі өткізілді.

Тұрғындар игілігіне бағытталған шараға аудан әкімі Серік Сермағамбетов арнайы қатысып, сөреге қойылған өнімдердің көріп, бағасын бақылап өтті.

Жәрмеңкеде ауданға қарасты ауылдық округтерден жеткізілген 2 тонна жылқы,сиыр, түйе еті, 120 литр шұбат пен құрт, ірімшік, және өңірдегі кәсіпорындардың 12 тонна балық және балық өнімдері тұрғындарға ұсынылды.

Сонымен қатар, жеке кәсіпкерлердің жеміс-жидектер мен картоп, жуа, сәбіз сынды көкөніс өнімдері нарық бағасынан 10-15 пайыз төмен бағада сатылымда болды.

Таңертеңнен жәрмеңкеге ағылған жергілікті тұрғындар аталмыш шараның халық үшін өте қолайлы екендігін айтып,ұйымдастырушыларға ризашылықтарын білдірді.