Референдум жаңашылдыққа бастайды

Бүгін мәдениет саласының қызметкерлеріне ел Президентінің Конституцияға өзгерістер енгізу жобасы бойынша республикалық референдум өткізу туралы бастамасының маңыздылығын талқылау мақсатында аудандық мәдениет және тілдерді дамыту бөлімінің басшысы Махатов Бауыржан Ібрәшұлы мен қалалық ардагерлер кеңесінің төрағасы Танымбетов Әділхан Төлегенұлының қатысуымен жиын өткізілді.

Референдум – халықтың нақты бір мәселеге байланысты пікірі, көзқарасы, таңдауы. Яғни әрбір қазақстандық өзінің пікірін білдіруге мүмкіндік алады. Бұл жолғы жоспарланып отырған конституциялық реформаның басты ерекшелігі – өзгерістер мен толықтырулар референдум арқылы іске аспақ. Соған сәйкес түсіндіріліп жатқан мақсатты өзгерістерді бірауыздан қолдап, бірге қолдағанымыз абзал. 
Сала қызметкерлерімен бірге өткізілген кездесуде Конституцияға енетін өзгерістер бес бағытқа бөлінетіні кеңінен түсіндірілді.

"Толқын"  ақпарат