Қызылордада имамға кедергі келтірген деструктивті діни ағым ұстанушысына айыппұл салынды

Қызылорда қаласындағы мешіттердің бірінде деструктивті діни ағымын ұстанатын 35 жастағы қала тұрғыны анықталды.

Ол бас имамның ескертуіне қарамастан оған кедергі жасады.

Оған қатысты Қазақстан Республикасы ӘҚБтК-нің 490-бабының 8-бөлігінде ( Қазақстан Республикасының діни қызмет және діни бірлестіктер туралы заңнамасын бұзу) көзделген құқық бұзушылық жасағаны үшін әкімшілік іс қозғалған.

Сот қаулысымен деструктивті діни ағым ұстанушысы кінәлі деп танылып, оған 428 820 теңге көлемінде әкімшілік айыппұл салынды.

kyzylorda-news.kz