Жасөспірімдер қылмысын болдырмау назарда

Аудан әкімдігі жанындағы кәмелетке толмағандардың ісі және олардың құқықтарын қорғау жөніндегі комиссияның кезекті отырысы өтті. Аудан әкімінің орынбасары К. Бержановтың төрағалығымен өткен комиссия отырысында бірнеше мәселе қаралды.Кәмелетке толмағандарды тәрбиелеу, оқыту, бағып-күтуде өз мiндеттерiн орындамайтын және олардың мiнез-құлқына терiс әсер ететiн ата-аналарын немесе заңды өкiлдерiн анықтап есебiн жүргiзу және оларға қатысты жеке профилактикалық шаралар жүргізу, темір жол өткелінің аумағында балалар мен жасөспірімдердің қауіпсіздігін сақтау шаралары, Сексеуіл кентінде камелетке толмаған балалардың құқық бұзушылық мәселесінің алдын алу бойынша атқарылған шаралар және алдағы уақытта атқаратын жоспарлары талқыланды.
Көтерілген мәселелер бойынша жауапты бөлім басшылары мен кент әкімінің хабарламалары тыңдалды.
Комиссия қорытындысы бойынша жауапты мамандарға кәмелетке толмағандар арасындағы құқық бұзушылықты болдырмау мақсатында түсіндірме жұмыстарын кеңінен жүргізу, темір жол аумағындағы балалар мен жасөспірімдердің өмірі мен денсаулығының қауіпсіздігін сақтау шараларын бақылауға алу бойынша нақты тапсырмалар жүктелді.