Мектепке дейінгі білім беру ұйымдарына әдістемелік отырысы өткізілді

Ағымдағы жылдың 12 ақпанында Арал ауданы бойынша білім бөлімінің ұйымдастыруымен әдістемелік отырысы өткізілді. Жиынға бөлімге қарасты барлық мектепке дейінгі білім беру ұйымдарының меңгерушілері, әдіскерлері және педагогтары қатысты.

Онда мектепке дейінгі тәрбие мен оқытудың мемлекеттік жалпыға міндетті стандартты талаптары және үлгілік оқу жоспары мен оқу бағдарламасын іске асыру аясында педагогтерге қойылатын талаптар, міндеттер баяндалып, алдағы уақытта жоспарға сәйкес өткізілетін іс-шаралар тізбектелді.

Сонымен қатар, қыркүйек айында аттестациядан өткізілетін жеке балабақшалар жұмысы сараланып, әрбір ұйымға тәжірибелі, білікті педагогтерден тәлімгерлер бекітілді.

Бөлімнің салаға жауапты маманы Әлия Құдайбергенова аймақ жұмыстарына талдау жасап, нәтижелі жұмыс көрсетіп отырған балабақшаларға алғыс білдіре отырып, алдағы жұмыстарына сәттілік білдірді.

Арал аудандық білім бөлімі