Толқын Tolqyn.kz ақпараттық агенттігі
» » «Ауыл – ел бесігі»

«Ауыл – ел бесігі»


Қарапайым ауыл адамы ретінде «Нұр Отан» партиясының XVIII съезінен көп үміт күткен едім. Себебі, алтын бесігіміз ауылдың жағдайы жақсы болса, елдің де әл-ауқатының артатыны белгілі. Теледидардан Елбасының съездегі сөзін тыңдап, бір марқайып қалдым. Жаңалықтарды отбасыммен және жан-жағымдағылармен бөлістім.Президент мамандықты тегін оқыту жүйесі, жол картасы сынды мүмкіндіктердің молдығын айта келе, тек нақты жұмыс істеу керектігіне арнайы тоқталды. Шындығын айтқанда, көптеген ауыл жастары осындай игіліктерді пайдаланудың жолын білмейді. Болмаса, кемінде бір оқуды тәмамдаған жастар ауылда көп-ақ. Ол үшін ақпараттық-насихат тобы ел арасында үгіт жұмыстарын жүргізсе деген тілегім бар. Оқыту мен кәсіп ашудың заңдылық жағын жете білсе, кімнің де болса құлшына талаптанатыны анық. Себебі, қай ауылда да қолының ісмерлігі бар, ұсақ кәсіпке икемі бар жандар баршылық.
Елбасының Үкіметке «Ауыл – ел бесігі» арнайы жобасын жүзеге асыру үшін ұсыныстарды әзірлеуді тапсырып, осы бағытта қаржыландыру бойынша 2019-2021 жылдары 90 млрд теңге бөлуді тапсыруы да әсіресе жастарды ауылда ұстап тұруға мүмкіндік беретін игі жұмыстың бірі болды. Сондықтан, ауыл халқы беріліп тұрған мүмкіндікті пайдаланып, кәсібін ашып, жұмысын жандандырса отбасының да берекесі кіреді. Қалаға қарай бет алу да азаяды.  
Ал, шағын микронесиелер берілсе, әрбір ауылда шағын жұмыс орындары ашылып, тұрғындардың жағдайы жақсарар еді. Ол үшін еліміздегі үлгілі ауылдардардың тәжірибесін алу керек.
К.Ержанов.
ауыл тұрғыны
27 ақпан 2019 ж. 2 528 0