Толқын Tolqyn.kz ақпараттық агенттігі
» » КІТАП КӨРМЕСІ ӨТКІЗІЛДІ

КІТАП КӨРМЕСІ ӨТКІЗІЛДІ

Арал аудандағы барлық кітапханаларда «Ел жүрегі – Нұр-Сұлтан» атты кең көлемді кітап көрмесі ұйымдастырылды. Көрмеде Н.Ә.Назарбаевтың Мәңгілік қазақ елінің өткені мен бүгіні, жаңа тарихы мен оның ертеңіне деген көзқарасы жөніндегі және бүгінде қарышты даму жолына түскен еліміздің тарихынан сыр шертетін әдебиеттер қойылды.

Қазақстан Республикасының Тұңғыш Президенті Н.Ә.Назарбаевтың өмірі мен қоғам қайраткері ретіндегі еңбегі туралы очерктер мен естеліктер оқырмандар назарына ұсынылды. Көрмеге қойылған кітаптардың ішінде Елбасының қатысуымен мемлекет ішінде және шет елдерде өткен басты іс-шаралар жайлы, сондай-ақ Н.Ә.Назарбаевтың аса маңызды баяндамаларының мәтіндері, түрлі анықтама материалдар қамтылған.

Нұр-Сұлтан қаласы – тәуелсіз әрі егемен мемлекеттің бүгінгі және болашақтағы саяси, экономикалық һәм мәдени орталығы ретінде қанат жайып келеді. Халқымыздың мәдени өмірінің орталығы - Елордадағы мәдениет ошақтары жайлы құнды деректер де осы көрмеде топтастырылған.
Арал ауданы әкімдігінің баспасөз қызметі.
29 наурыз 2019 ж. 2 936 0