Толқын Tolqyn.kz ақпараттық агенттігі
» » Қызылорда облысының тұрғыны үйінен құрама жем шығаратын цех ашты

Қызылорда облысының тұрғыны үйінен құрама жем шығаратын цех ашты

Қызылорда облысы Қармақшы ауданының тұрғыны Людмила Альмерденова өз үйінен құрама жем шығаратын шағын цех ашты. Ол бұл істі бастауға нарықтағы ет пен сүттің бағасының жыл сайын қымбаттауы себеп болғанын айтады. Төрт түліктен ойдағыдай өнім алу үшін құнарлы азық керек. Қажетті дәруменді бойына жиған малдың сүті мен еті де мол болтыны анық. Есесіне бағасы да арзандайды екен. Технолог мамандығын меңгерген Людмила ойдағы жоспарын жүзеге асыру үшін мемлекеттік қолдау аясындағы арнайы бизнес курсты оқыған. Кейін жұбайымен бірге түрлі ғылыми әдебиеттер негізінде құрама жем дайындайды. Ал қажетті құрылғыны әлеуметтік желі арқылы Ресейдан сатып алған. Әзірге айына 1 мың 500 келі өнім шығарады. Алдағы уақытта жеңіл пайызды несие алып, кәсібін кеңейтуді жоспарлап отыр. Людмила Альмерденова, Қармақшы ауданының тұрғыны: - Ауданда мұндай құрама жемнің жоқтығын біліп, осы кәсіпті қиын болса да қолға алдық. Бидай ұнтағы, жоңышқа, күн жара, кальций фосфаты мен түрлі құнарлы қоспадан дайындаймыз. Сауын сиырына осы жемді беріп көргендерден сұраныс арта түсуде.
https://24.kz
08 мамыр 2019 ж. 731 0