Нұр-Сұлтанда сайлау комиссиясының 2826 мүшесі жұмыс істейді

Нұр-Сұлтан, BAQ.KZ. Қаланың сайлау учаскелерінде 2826 сайлау комиссиясы жұмыс істейді. Бұл туралы елорда әкімдігінің сайты мәлімдеді.

Олардың 1109-ы саяси партиялардың мүшесі болса, 1399 – қоғамдық бірлестіктердің өкілі, сондай-ақ 318 адам жоғары сайлау комиссиялары тарапынан ұсынылды.

Сайлау комиссиясы мүшелерінің қатарына бюджеттік ұйымдардың қызметкерлері, саяси партиялар мен ҮЕҰ, коммерциялық құрылымдардың өкілдері, зейнеткерлер, өзін-өзі жұмыспен қамтыған азаматтар, студенттер және түрлі мекемелердің қызметкерлері кірді. Елордада 238 сайлау учаскесі тіркелген, оның 204-і – ашық, ал 34-і – жабық.

Учаскелік сайлау комиссияларының сандық құрамы сайлаушылардың санына байланысты 5-тен 11 адамға дейін анықталады.

Сайлау комиссияларының мүшелері Президентті сайлау жөніндегі тиісті іс-шараларды өткізеді және сайлау күні учаскелерде дауыс беруді ұйымдастырады.

Әрбір сайлау учаскесінде саяси партиялар мен қоғамдық бірлестіктерден 2 бақылаушы жұмыс істейді. Қазіргі уақытта бақылаушылар тізімінде қоғам өкілдері, үкіметтік емес ұйымдар мүшелері және елорда тұрғындарынан құралған 500 адам бар.

Бұдан бөлек «Думан» қонақ үйінде 18 маусымға дейін жұмыс істейтін халықаралық бақылаушылар мен шетелдік бұқаралық ақпарат құралдарының өкілдеріне жәрдемдесу орталығы ашылды.

https://baq.kz