АРАЛДА ҰБТ БАСТАЛДЫ
Бүгін Арал қаласындағы № 262 мектеп-гимназияда Ұлттық бірыңғай тестілеу басталды. Жалпы аудан бойынша 425 оқушы ҰБТ-ға қатысуға өтініш берген. Бұл мектеп бітірушілердің 58 пайызын құрайды. Таң атысымен 262 мектеп-гимназия алдына жиналған оқушылар бұл сынаққа толықтай дайын екендігін айтты.
№69 орта мектептің түлегі, «Алтын белгі» иегері Бимұрат Тағыбергеновпен әңгімелесу барысында:
– Он бір жыл бойы алған біліміміздің сыналар тұсы осы. Біз бүгінгі тестілеуге барынша дайындықпен келдік. Мектебіміздің, ата-анамыз бен ұстаздарымыздың сенімін ақтай отырып, ауданның абыройын асыратын боламыз, – деп нық сеніммен жеткізді.
– Он бір жыл бойы алған біліміміздің сыналар тұсы осы. Біз бүгінгі тестілеуге барынша дайындықпен келдік. Мектебіміздің, ата-анамыз бен ұстаздарымыздың сенімін ақтай отырып, ауданның абыройын асыратын боламыз, – деп нық сеніммен жеткізді.
