"Ризашылық білдіремін": Тоқаев Арыстағы жағдайға байланысты қазақстандықтарға алғыс айтты
Өз сөзінде президент әскери бөлім аумағындағы жарылыстардан зардап шеккендердің жағдайы қиын екенін айтты.«Арыс тұрғындарының игілігі жолындағы ауқымды әрі пайдалы еңбектері үшін барлық еріктілерге ризашылық білдіремін. Зардап шеккендердің жағдайы шынымен де қиын. Мемлекет оларға көмек береді. Қала мен тұрғын үйлерді қайта қалпына келтіреміз», - деп жазды Тоқаев Twitter-де. Еске сала кетсек, 24 маусымда Арыс қаласында жарылыс болғанын хабарлаған едік. Оқиғаға қатысты Қорғаныс министрлігі пікір білдіріп, мән-жайды түсіндірді.
Түркістан облысының әкімі Өмірзақ Шөкеев өңірде төтенше жағдай жариялады. Қала тұрғындары толықтай эвакуацияланды.
