"МИЛЛИОНҒА САТЫП АЛҒАНЫМ ЖОҚ" АРАЛДЫҚ ШЕБЕР ҚАЗАҚСТАННЫҢ ҚҰРМЕТТІ АЗАМАТЫ АТАНДЫ
Қызылордалық жас зергер бүгін ерекше қуануда. Себебі ол "Қазақстанның құрметті азматы" төсбелгісін иеленді. Шайхисламның еңбектерін ғаламтор арқылы көрген "Халықаралық қоғамдық наградалар мен атақтар" комитеті еңбекқор жасты марапаттауды жөн санапты. ТМД елдері бойынша таланттыларды таңдап марапат ұсынаты комитеттің бас кеңсесі Мәскеуде орналасқан. Олар Шайхисламға төсбелгісін почта арқылы салып жіберген. Әлеуметтік желіде бірі Шайхисламды құттықтаса, енді бірі "Бұл миллион тұрады ғой" деді. Ұлттық құндылықтарымызды дәріптеп жүрген белсенді жас "мен сатып алмас едім, әрі ондай қомақты қаржымда жоқ" деді. Шебер зергерлік өнерден бөлек, темірден түйін түйіп, ағаштан ою ояды. Қолөнер шебері Шайхислам Мағауияұлының қолынан шыққан ұлттық нақыштағы зергерлік бұйымдарға сұраныс аз емес. Өйткені, әшекейлердің барлығы таза табиғи материалдардан дайындайды. Оның көз майын тауысып жасаған кәдесыйлары да керемет.Шебер ұлттық мұраны дамытушы, жаңғыртушы ретінде насихаттап, бар білгенін өзгеге үйреткісі келеді.
Аудан әкімдігі мен жастар ресурстық орталығы Шайхисламды көп жастың алдына шығарып, марапатын ресми түрде табыстап, мерейін үстем етеді деп сенеміз.
Айта кету керек, Шайхислам Сыр өңірінің талантты жастарына арналған облыс әкімінің "Сыр үміті" сыйлығының иегері. Біз замандасымызды қуанышымен құттықтаймыз!!!
