Билер Кеңесі қылмыстық іс бойынша тараптарды татуластырды

  Арал аудандық сотында Қазақстан Республикасының ҚК-нің 293-бабының 1-бөлігімен айыпталған М-ның қылмыстық ісі тараптардың татуласуы бойынша тоқтатылды.  Іс құжаттарына сәйкес, сотталушы М. Арал қаласының теміржол вокзалының перронында, еш себепсіз, өзіне бұрын соңды таныс емес азаматша Д-ның бетінен жұдырығымен ұрып, қоғамды анық құрметтемеушіліктен көрінетін, қоғамдық тәртіпті өрескел бұзып, жәбірленушіге қарсы күш қолданумен ұштасқан бұзақылық жасаған.
  Сот талқылауы барысында, төрағалық етуші судья Бертай Cерік Мұратбайұлы тараптарға татуласу мүмкіндіктері мен құқықтарын түсіндіріп, тараптар Арал ауданының Билер кеңесінің көмегіне жүгінген.
  Өмірлік тәжірибесі мол, Билер кеңесінің мүшелерімен жүргізілген татуластыру шараларының нәтижесінде, тараптар бітімгершілікке келіп, жәбірленуші сотқа сотталушымен  татуласуына байланысты қылмыстық істі тоқтатуды сұрап өтініш білдірген.
  Осының негізінде, сотталушы М. ҚР ҚК-нің 68-бабының 1-бөлігінің талабына сай, жәбірленушімен медиация тәртібімен татуласуына байланысты қылмыстық жауаптылықтан босатылып, ісі өндірістен тоқтатылды.
Арал аудандық сотының
баспасөз қызметі.