Той уақытына қатысты меморандум жасалды

         Қоғамда қозғалып, көптің көкейінде жүрген той мәселесі осыған дейін "Толқын" газетінде көтерілген болатын. "Қазақ тойына реформа қажет" деген атпен жарияланған А.Жолмағамбетовтің мақаласында айтылған мәселе кейін аудандық қоғамдық кеңестің талқысына түсті. Осылайша той мәселесін біріздендіруге байланысты түрлі тарап өзара ынтымақтастық орнатты. 

Арал ауданының Қоғамдық Кеңесі мен тойхана иелері         
(жеке кәсіпкерлер) арасындағы өзара келісім орнату жөніндегі
МЕМОРАНДУМ

Арал қаласы                                              15 қазан 2019 жыл

         Бұдан әрі «Тараптар» болып аталатын, Арал ауданының Қоғамдық Кеңесі атынан кеңес төрағасы А. Жоланов, бір жағынан, тойхана иелері (жеке кәсіпкерлер) атынан А. Сәдуақасова,                 А. Төремұратова, А. Сахиев, А. Маханова, З. Өтешов, С. Жанғазиев, Б. Құрманбаева, С. Дәрібаев, Г. Қозбақова, А. Жұмағазиева,               Б. Бекпанова, А. Жұмағазиева екінші жағынан, Қазақстан Республикасының заңнамаларын басшылыққа ала отырып, құқық бұзушылық пен қылмыстық ахуалдың алдын алу мақсатында аудандағы мейрамханалардың жұмыс уақытын реттеу, өздерінің құзіреттіліктері және уәкілеттіктері шеңберінде келісімге келіп, осы Меморандумды (бұдан әрі - Меморандум) жасасты:

• Мақсаты

Меморандумның мақсаты – аудандағы тойханалардың иелерімен ынтымақтаса отырып, той салтанаттарын өткізу уақытын халыққа ыңғайлы етіп белгілеу болып табылады.

• Ынтымақтастық бағыттары

Меморандумның бірлескен мақсатына жету үшін:

• Тұрғындардың   тыныштығын   сақтау   және   тәртіпсіздікті  

болдырмау мақсатында тойханаларда кешкі мезгілдегі той салтанаттарын Қызылорда облысының уақытымен сағат 19:00 мен 24:00 аралығында өткізуге;

• Той    иелеріне   белгіленген    уақытты  сақтауды алдын  ала  

және  той рәсімі аяқталардан жарты сағат бұрын назарына салуға;

• Той     иелерімен      келісе      отырып,     асабаларға    тойды   

белгіленген мерзімде аяқтауды назарына салуға;

• Той  иелеріне  жас  жұбайлардың  той  алдындағы серуендеу

салтанатын тойдың басталатын уақытына дейін өткізіп, Қызылорда облысының уақытымен сағат кешкі 19:00-де тойды бастауды қамтамасыз етуге;

• Осы        меморандумды       тұрғындарды     ақпараттандыру

мақсатында жергілікті БАҚ-да жариялауға ниет білдіреді.

• Тараптардың ниеттері
•          Аудандағы мейрамханалардағы өтетін той салттарының уақытын мерзімінде аяқтауға арналған бірлескен іс-қимылдарды жүзеге асыру.
•  
• 4. Қорытынды ережелер
•          4.1. Меморандум бойынша «Тараптар» бір-бірінің қаржылық міндеттемелері бойынша жауап бермейді.
•          4.2. Меморандумды жасасу «Тараптар» үшін осыМеморандуммен қабылданған өзара түсіністік пен ынтымақтастық ниеттеріне қайшы келмейтін өзге де келісімшарттарды жасасуға кедергі болып табылмайды.
•          4.3. Осы меморандумнан пайда болатын қандай да бір келіспеушілік мәселелер «Тараптар» арасындағы келіссөздер арқылы шешіледі.
•          4.4. Меморандумға енгізілетін өзгерістер мен толықтырулар жазбаша түрде беріледі және «Тараптардың» өкілдерінің қолдары қойылуы міндетті.
•          4.5. Меморандум 2019 жылдың 15 қазанында жасалды және 2019 жылдың 1 қарашасынан бастап күшіне енеді.   
•          4.6. Осы Меморандум заңдық күші бірдей қазақ тілінде әр «Тарапқа» бір-бір данадан 13 (он үш) данада жасалды.
•           
• Тараптардың қолдары

Арал ауданының Қоғамдық Кеңесі Төраға А.  Жоланов	Тойхана иелері           Жеке кәсіпкерлер           А. Сәдуақасова           А. Төремұратова           А. Сахиев           З. Өтешов           Б. Бекпанова           А. Маханова           С. Дәрібаев           С. Жанғазиев           Б. Құрманбаева           Г. Қозбақова           А. Жұмағазиева