Cоттар әкімшісінің маманы ХҚКО-ның мамандары үшін семинар өткізді

Қызылорда облысы бойынша соттар әкімшісінің бас маманы Б.Рысмамбетов «Азаматтарға арналған үкімет» Мемлекеттік корпорациясының Арал аудандық Халыққа қызмет көрсету орталығының мамандары үшін семинар өткізді.Семинар «Соттардан шығатын ресми құжаттарға апостиль қою» атты көрсетілетін мемлекеттік қызметтің сапасын қамтамасыз етуге бағытталған.
Іс-шара барысында мемлекеттік қызметті көрсетудің мерзімі мен мемлекеттік баж салығын төлеудің тәртібі түсіндірілді. Мемлекеттік баж салығының мөлшері АЕК-нің 50% мөлшерін құрайтындығы айтылды.
Апостиль қою туралы өтініштерді қабылдау кезінде операторлар тарапынан жиі жіберілетін қателіктер бойынша ақпарат қорытылып, ХҚКО өкілдерінің назарына жеткізілді.
Сонымен қатар, соттардан шығатын ресми құжаттарға апостиль қою туралы өтініштерді «Сот кабинеті» сервисі арқылы беру мүмкіндігі де айтылды.
Семинар тыңдаушылары өздерін қызықтырған сұрақтарды қойып, оларға тиянақты жауаптар алды.
Арал аудандық сотының баспасөз қызметі