Жемқорлықпен күрес – әр азаматтың парызы

Сыбайлас жемқорлықпен күресу барлық саналы азаматтың парызы. Кез келген қоғам үшін жемқорлықпен күрес өзекті мәселе болып отырғаны рас. Елiмiзде осы мәселеге арнайы қабылданған заңдар да, атқарылып жатқан жұмыстар да баршылық.Сыбайлас жемқорлық заманның ағысымен өсіп келе жатқан, бүгінгі күнге дейін жойылмай отырған қоғамдық дерт. Осындай құбылыстармен күрес жүргізу тек құзырлы органдардың міндеті ғана емес, әрбір ұлтжанды азаматтың міндеті. Мұндай ауыр дертті тек мемлекет және құқық қызметкерлерінің күшімен жеңу мүмкін емес. Сыбайлас жемқорлықтың алдын бүкіл халық болып қолға алсақ ғана тоқтатуға болатыны анық.

Сол себепті мемлекеттік мекемелер мен лауазымды тұлғалар өз құзыретінің шеңберінде сыбайлас жемқорлыққа қарсы күрес жүргізуі тиіс. Қазіргі таңда барлық мекемелерде сенім телефондары жұмыс жасайды. Мемлекеттік органдардың қызметшілері тарапынан халыққа мемлекеттік қызметтерді электронды түрде қол жетімділігі жөнінде кеңінен насихатталуда. Бұл да өз кезегінде сыбайлас жемқорлықтың алдын алудың жолы болып табылатындығы сөзсіз.

Сыбайлас жемқорлыққа қарсы күрес – бұл үздіксіз процесс. Сондықтан алдағы уақытта да сыбайлас жемқорлықпен күресті жүйелі түрде жүргізе береміз.(100 кв\см)

Ж. ЖҰБАНОВ,

Арал ауданының ауыл шаруашылығы мен

жер қатынастары бөлімінің басшысы

Фото:  ​syrboyi.kz​​​