Өмірді сақта
Бүгінде күнделікті айналамызда түрлі оқыс оқиғалар орын алып жатқанын көзіміз көріп, құлағымыз естіп жүр. Кейде жаға ұстатарлық жағдайлар да орын алып жатады. Тіпті мұндай кезде не істерімізді білмей абдырап қалатынымыз анық. Соның ішінде, тұрмыстық зорлық-зомбылық, жол апаты оқиғалары сынды түрлі жағымсыз оқиғалар қазіргі кезде жиі орын алып келеді. Мұны тоқтату мақсатында түрлі іс-шаралар да ұйымдастырылып жатқаны сөзсіз. Таяуда Қызылорда гарнизонының әскери полиция қызметкері аға лейтенант Ш.Ршауов, 10216-Ж әскери бөлімінің (Арал қ.) әскери қызметшілерімен "Өмірді сақта" ведомствоаралық бағдарламасының талаптарын орындау мақсатында профилактикалық іс-шара жүргізген болатын.
Мұндағы сабақтың басты мақсаты “Тұрмыстық зорлық-зомбылық”, "Жылдамдық туралы ойлан", "Заң алдындағы жауапкершілік – бірдей" айлығы барысында әскери қызметшілермен жол ережесін сақтау, жабдықталмаған жерлерге өздігінен суға түсу, кезекшілік барысында, диверсияға қарсы қауіпсіздік ережелерін, қызмет регламентін сақтау және ҚРҚК-нің 108-1, 109 және ҚКӘК баптарын жеткізу бойынша профилактикалық іс-шаралар өткізілді.
Әр адам өз өміріне жауапты. Сол үшін қандай жағдайда болмасын аса ұқыпты, әрі сақ болғанымыз жөн. Жылдамдықты асыра айдап, өзге біреуге зиянымызды тигізген дұрыс емес!
"Толқын" ақпарат
