Астанада екінші ауысымдағы оқушылар онлайн оқитын болды

Астанада бірінші ауысымнан кейін екінші ауысымдағы оқушылардың бір бөлігі қашықтықтан оқытуға ауыстырылды. Бұл туралы елорданың білім басқармасына сілтеме жасаған KAZ.NUR.KZ хабарлайды.
"Ауа-райының нашарлауына байланысты 2024 жылдың 7 қарашасында екінші ауысымның 0-9 сынып оқушылары қашықтықтан оқыту форматына көшуде", - деп хабарлады Астана қаласының Білім басқармасы Instagram-дағы парақшасында. Еске салсақ, бұған дейін Павлодарда мектеп оқушылары қашықтан оқытуға көшірілгені туралы хабарлаған едік. Оған қолайсыз ауа райы себеп болды. Қалада ауа температурасы -1 градус және желдің жылдамдығы 14-25 м/с. Айта кетейік, 5 қарашада Ақтауда қатты жел тұрып, ағаштар мен аялдамалар құлап, бірнеше адам жарақат алып, аруханаға жеткізілгенін жазған едік. Сондай-ақ 6 қарашада Маңғыстау облысындағы мектептер мен колледждерде сабақ қашықтан оқытылды. Бұған ауа райының қолайсыздығы себеп болды.