Толқын Арал аудандық қоғамдық-саяси газет
» » Өзекті мәселелер талқыланды

Өзекті мәселелер талқыланды

Бүгін аудандық прокуратураның ұйымдастыруымен аудандағы алаяқтық қылмысының өсім алуы және кәмелетке толмаған жасөспірімдердің қылмыс жасауы мен өз-өзіне қол жұмсауын болдырмау мәселелері туралы жиын өткізілді.Жиынға аудан әкімінің орынбасары Б. Жұмағұлов, аудандық мәслихат хатшысы, «Nur Otan» партиясы аудандық филиалы төрағасының бірінші орынбасары, аудандық полиция бөлімінің басшысы Ә.Өтегенов, қоғамдық кеңес төрағасы және өзге де мекеме басшылары қатысты.
Мәжіліске қатысушылар алдымен жергілікті полиция бөлімінің басшысы М.Дәрмағамбетовтың аудандағы алаяқтық қылмысының өсім алуы жөніндегі баяндамасын тыңдады. Қазіргі таңда еліміздің басқа өңірлерімен қатар, ауданымызда да әлеуметтік желі және телефон арқылы жасалатын түрлі жағдайдағы алаяқтық қылмысының саны артқан.
Жиында алаяқтардан тұрғындарды сақтандыру мақсатында әлеуметтік желіде хабарламалар тарату, көрнекі үгіт-насихат құралдарын орналастыру тиісті мекеме басшыларына жүктелді.
Күн тәртібіндегі екінші мәселе жөнінде аудандық білім бөлімі басшысының міндетін атқарушы А.Әбиева жасөспірімдер арасында құқық бұзушылықтың алдын алу, оқушыларды түрлі үйірмелерге тарту, жол қауіпсіздігін сақтау шаралары туралы атқарылған жұмыстарды баяндады. Баяндамадан соң қатысушылар бала тәрбиесіне ата-аналардың да жауапкершілігін арттыру қажет екендігін айтып, бірлесіп жұмыс жасауға шақырды.
Жиын соңында аудан прокуроры А. Тәженов оқушылар арасында топтық төбелес, өз-өзіне қол жұмсау сынды жағдайларды болдырмау және учаскелік полиция инспекторларының жауапкершілігін күшейту жөнінде жауапты мамандарға тапсырмалар жүктеді.
Арал ауданы әкімінің баспасөз қызметі.
18 наурыз 2020 ж. 108 0