САНИТАРЛЫҚ ТАЛАП САҚТАЛУЫ ТИІС
Өткен аптаның сенбі күні жұмыс барысымен бірқатар нысандарды аралаған аудан әкімі М.Оразбаев Арал қаласындағы "ARZAN MARKЕT" супермаркетіне арнайы барды. Басты мақсат - аудан орталығындағы ірі азық-түлік нысанындағы санитарлық талаптардың сақталу жағдайымен танысу.Адам көп шоғырланатын сауда үйінде болған аудан басшысы қызметкерлермен жүздесіп, қазіргі эпидемиологиялық жағдайды ескеріп, сақтық шараларын босаңсытуға болмайтынын ескертті. Сонымен қатар, тұтынушыларға қауіпсіздік шараларын ескертіп отыруды және санитарлық талаптарды қатаң сақтауды тапсырды.
