Дария бойынан мол суды қауіпсіз өткізу пысықталды

Кеше аудан әкімінің орынбасары Е. Әбішев Сырдария өзенімен өтетін мол суды қауіпсіз өткізу мақсатында атқарылып жатқан жұмыстарды пысықтау мақсатында облыстық жұмылдыру басқармасының және су шаруашылығы мамандарынан құрылған жұмысшы топпен бірге аумағынан Сырдария өзені өтетін елді мекендерді аралады.

Жұмыс сапары барысында Құмбазар және Аманөткел ауылдық округтеріндегі дария суының деңгейін көріп, ауылдық округ әкімдерімен бірге ауылдағы каналдарға су алу үшін салынып жатқан су тоспадарын және басқа да жұмыстарды көріп шықты.

Сонымен қатар су тасқынының алдын алу үшін өзен бойындағы қорғаныс бөгеттерінің әлсіз тұстарын нығайтып, су көлемін бақылауда ұстау мәселелерін талқылап, жауапты мамандарға үнемі бақылауда ұстауды тапсырды.