МҰРАЖАЙ ҚЫЗМЕТКЕРЛЕРІ ЕЛБАСЫ ЖОЛДАУЫН ҚОЛДАЙДЫ

Егемен еліміздің әлеуметтік-экономикалық дамуының өзекті мәселелеріне және халықтың әл-ауқатын одан әрі арттыру міндеттеріне арналған Елбасының жаңа Жолдауын Арал аудандық тарихи-өлкетану музейі мен Мәдениет орталығы қызметкерлері ерекше ықыласпен қабылдап, талқылады.    

Арал аудандық тарихи өлкетану музейінің ғылыми қызметкері. И. Рзағазиева «Президент биылғы Жолдауында дакөптеген мәселелерді көтерген, Елбасымыз қай кезде де жастарды қолдап, оларға сенім білдіріп келеді. Сондықтан 2019 жылды «Жастар жылы» деп жариялады. Жолдаудың тағы бір ерекшелігі ұстаздар мәртебесін көтеруді қолға алуы, қазақстандықтардың жалақысын көтеруі, медицина саласына көңіл бөлуі біздер үшін қуанарлық жағдай» -деп пікірін ортаға салды.
Жиын барысында, қызметкерлер Жолдауда айтылған міндеттемелерге сүйене отырып бәсекеге қабілетті, инновацияға бейім, ұлттық тәлім-тәрбиемен сусындап, заманауи ғылымды игеріп, еліміздің жарқын болашағын қамтамасыз етуде еңбек ететіндерін атап өтті.

aral.gov.kz