ӘКІМ ЕСЕБІ: ЕСЕПТІ КЕЗДЕСУ ҚҰЛАНДЫ АУЫЛДЫҚ ОКРУГІНДЕ ЖАЛҒАСТЫ

Аудан әкімінің кезекті есеп беру кездесуі Құланды ауылдық округінде өтті. Есепті кездесуге Қызылорда облыстық мәслихатының депутаты И. Оңғарбаев және Қызылорда облыстық жердің пайдаланылуы мен қорғалуын бақылау басқармасының басшысы Тоғызбаев Қайрат Әбенұлы қатысты.Әдеттегідей учаскелік полиция инспекторы Ж. Даулетов есепті мерзімде атақарған жұмыстарының есебін берді. Ауылдық округ әкімі К. Жанназаров ауыл тынысы мен өткен жылы округтің қол жеткізген табыстары туралы баяндады. Содан соң, сөз алған М.Оразбаев ауданның әр саладағы көрсеткіштеріне жеке-жеке тоқтала келіп, түйінді мәселелерді шешу жолдарын айтып өтті.
«Бастау-Бизнес» оқыту курсы бойынша 2 азамат оқып, сертификат алып, оның ішінде «Қызылорда облыстық өңірлік инвестиция орталығы» арқылы Сахитжанов Бақытбек 2,0 млн.теңге несие алып, мал шаруашылығын дамытуда. «Бизнес Кеңесші» оқыту курсы бойынша 2 азамат оқытылып, оның 1-уі, яғни Құлжанов Кенжемұрат 900 мың теңге қайтарымсыз несие алып, нан пісіру цехын ашып, жұмыс жасауда.
Ауыл тұрғындары Исмагулов Сауелхан, Едігеев Энгельс, Утенов шаруа қожалығын ашып, 3 адамды жұмыспен қамтып отыр.
Тұрғындары мал өсірумен бірге байырғы ата кәсіптерінің бірі балық аулау кәсібін де дөңгелетіп отыр. «Ақбасты» өндірістік кооперативі ауыл көлемінде 30-ға жуық балықшының аулаған балықтарын қабылдап жұмыс жасауда.
Елді мекенде тарихи мұра есебінде ауыл ортасына және кіре берісіне көне 2 кеменің қаңқасы әкелінді.
Ауылдық округ және аудан әкімдері баяндамаларынан кейін, ауыл тұрғындары сұрақтары мен көптен толғандырып жүрген мәселелерін ортаға салды. Ауыл ақсақалы атқарылған жұмыстарға ризашылығын білдіріп, ақ батасын берді.