БЕЛАРАННЫҢ НЕСІБЕСІ МАЛ ШАРУАШЫЛЫҒЫНДА

Беларан ауылдық округінде ҚР Президенті Н. Ә. Назарбаевтың 2016 жылғы 5 ақпандағы «Жергілікті атқарушы органдар басшыларының халыққа есеп беру кездесулерін өткізу туралы» Жарлығына сәйкес аудан әкімінің және ауылдық округ әкімінің есеп беру жиыны өтті.Ауыл тұрғындарының негізгі тіршілігі мал шаруашылығы болып келеді.
Өткен жылы аудандық жұмыспен қамту орталығы арқылы 4 адам тұрақты жұмысқа, 3 адам уақытша жұмысқа орналасты. Жастар практикасымен 1 адам жұмыспен қамтылды.
Бір ауыл тұрғыны «Бастау-Бизнес» бағдарламасы арқылы оқып, жылқы малын өсіруге 2,8 млн.теңге несие алып, жұмыс жасауда. Көркейту-көгалдандыру және санитарлық тазалық айлығында 70 түп үйеңкі көшеті отырғызылды.
Беларан ауылдық округінің аумағы - 14 529 гектар. 
Ауылшаруашылық мақсатында пайдаланылатын жерлер - 14049 га. Ауылдық округте 1 елді мекен бар. Халық саны - 367 адам.
Кездесу барысында тұрғындар тарапынан қойылған сұрақтар мен ұсыныстарға тиісінше жауаптар берілді.