Мергенсай ауылдық округінде кәсіпкерлік жүйелі дамуда

Кәсіпкерлікті жүйелі түрде жолға қойған Мергенсай ауылдық округі, Тастүбек елді мекенінен 1 жеке кәсіпкер «Бизнес кеңесші» бағдарламасы бойынша кәсіпкерлік негізін оқып, «Нәтижелі жұмыспен қамту және жаппай кәсіпкерлікті дамытудың 2017-2021 жылдарға арналған бағдарламасының» II бағыты бойынша «Ауыл шаруашылығын қаржылай қолдау қоры» арқылы түйе малын өсіру үшін 3 млн теңге шағын несие алды. «Бастау Бизнес» бағдарламасы бойынша 1 адам оқуын аяқтап, бизнес жобасын қорғап, жыл соңына дейін ауыл орталығынан «Вулканизация» ашу үшін 2 млн теңге несие алуға «Ауыл шаруашылығын қаржылай қолдау қорына» құжаттарын толығымен тапсырды. «Құлан» мемлекеттік бағдарламасы аясында жеке кәсіпкер Н. Имағамбетов жылқы малын асылдандыру мақсатында 2 млн теңге несие алды. Қысқа мерзімді кіші кеме жүргізушісі мамандығына аудандық жұмыспен қамту орталығы арқылы 2 адам оқып, балық аулау жұмыстарына жіберілді. Жастар тәжірибесі арқылы 2 жас маман мектеп және бөбекжайға жіберіліп, оның ішінде 1 жас маман мектепке тұрақты жұмысқа қабылданды. Округ орталығы Жалаңаш ауылынан «Арал СДО сервистік орталығы» ЖШС балық қабылдау орталығын салуға 2000 шаршы метр жер алып, құрылыс жұмыстарын бастады.