Ғасыр жасаған әжейге құрмет көрсетілді

Кеше аудан әкімі С. Сермағамбетов 2024 жылдың алғашқы күні 100 жасқа толған Жиеналиева Көркей әжейді жаңа жыл мерекесімен және ғасырлық мерейтойымен құттықтады. Ғасыр жасаған әжені аудан басшысымен бірге ардагерлерде арнайы құттықтап, ізгі ниеттерін жеткізді.

Жиеналева Көркей әжей 6 баланы дүниеге әкеліп, тәрбиелеп өсірген. Мәуелі бәйтеректей үлкен әулеттің отын маздатқан отанасы бүгінде ұрпақтарынан 12 немере 52 шөбере сүйіп отыр.

Ұзақ жылдар бойы балық зауытында қызмет етіп, еңбек ардагері атанған әжей құрмет көрсетіп, арнайы құттықтап келген азаматтарға ризашылығын білдіріп, ақ батасын берді.

Арал ауданы әкімдігінің баспасөз қызметі 

Фото: Арал ауданы әкімдігі