Президент Жолдауын бастауыш партия ұйымдары талқылауда

Ел Президентінің халыққа арнаған Жолдауы еліміздің барлық өңірлерінде кеңінен талқылануда. Осы ретте “Бөген” және “Октябрь” бастауыш партия ұйымдарының мүшелері де бас қосып, Мемлекет басшысы айқындаған жаңа міндеттер мен бастамаларға ерекше назар аударды.

Жиын барысында қатысушылар Жолдауда көрсетілген әлеуметтік-экономикалық даму, халықтың әл-ауқатын арттыру, ауылдық елді мекендердің инфрақұрылымын жақсарту бағыттары жан-жақты қаралды. Сонымен қатар, білім беру мен денсаулық сақтау саласын жетілдіру, жастарға қолдау көрсету мәселелері де талқылаудың негізгі өзегіне айналды.

Партия ұйымының мүшелері Мемлекет басшысы ұсынған реформалардың ел дамуына серпін беретінін атап өтіп, оларды жүзеге асыруда әр азаматтың белсенділігі маңызды екенін жеткізді.

Жиын соңында бастауыш партия ұйымдарының мүшелері Президент Жолдауында айқындалған міндеттерді қолдай отырып, оны орындау жолында аянбай еңбек етуге дайын екендіктерін білдірді.

"Толқын" ақпарат