Толқын Арал аудандық қоғамдық-саяси газет
» » Қазақстан-Германия аграрлық-саяси диалогының өкілдері Арал ауданында болды

Қазақстан-Германия аграрлық-саяси диалогының өкілдері Арал ауданында болды

Арал ауданының әкімі Мұхтар Оразбаев Нұр-Сұлтан қаласындағы Қазақстан-Германия аграрлық-саяси диалогының жоба менеджері Йорг Динкелакерді және аталған орталықтың ғылыми қызметкері Мартен Ове Кюльді қабылдады.Қазақстан-Германия аграрлық-саяси диалогының өкілдері балық шаруашылығын дамытуға қадам жасау мақсатында ауданға келген сапарында Көкарал бөгетінде, «Қамыстыбас» балық питомнигінде және балық өңдеу зауыттарында болып, жұмыс барысымен танысқан болатын.
Кездесуде аудан басшысы балық шаруашылығын дамыту бойынша ауданда атқарылып жатқан жұмыстарды баяндады. Ал келген қонақтар Аралдағы балық шаруашылығы саласында Германия елімен көптеген ұқсастықтары бар екенін айтты. Сондай-ақ, мамандармен тәжірибе алмасып, балық өнімдерін Еуропаға экспортау және балық шаруашылығын дамыту үшін бірлесіп жұмыс жасау жөнінде мүмкіндіктер қарастыратынын айтты.
https://syr-media.kz/news/11266-azastan-germaniya-agrarly-sayasi-dialogyny-klder-aral-audanynda-boldy.html
08 тамыз 2019 ж. 369 0