АРАЛДЫҚТАР «WORLD CLEANUP DAY – 2019» АКЦИЯСЫНА ҚАТЫСТЫ

  Бүгін Арал ауданының жұртшылығы дүниежүзілік «World cleanup day – 2019» акциясына үн қосты. Аталған акция бүгінде әлемнің 380 млн. астам адамын қамтитын 150 елде өткізіліп отыр.  Қазақстанның Дүниежүзілік «World cleanup day – 2019» акциясына қатысуы Қазақстанды жаһандық экологиялық акцияға қатысушы ретінде «Жасыл» экономика қағидатын іске асыратын және 2030 тұрақты даму мақсаттарына қол жеткізуді іске асыратын ел ретінде танытуға мүмкіндік береді.
  Осы орайда, «Біз таза елді қолдаймыз» ұранымен өткізілген ауқымды сенбілікке аудан бойынша 1300-ге жуық адам қатысты. Барша мемлекеттік ұжымдардың белсенділігімен өткен тазалық шарасында 13 техника көмегімен 930 тонна қоқыс тиісті орындарға шығарылды.
  Дегенмен, тазалық әркімнің өз ауласынан басталатынын ескерте отырып, аудан тұрғындарын аталған тазалық шарасына өз үлестерін қосуға шақырамыз. Себебі, Отан – баршамыздың ортақ мекеніміз!
Аудан әкімдігінің баспасөз қызметі