"АСЫЛЫМ" балалар хоры жеңімпаздары Стамбулда бақ сынайды

«Жеті Өнер» шығармашылық орталығының 2023-2024 оқу жылында  ұйымдастырған  Республикалық  іріктеу кезеңінен финалға сүрінбей өтіп, еліміздің барлық облыстары мен қалаларының таланттылары сайысқан Арал ауданының  «Асылым» балалар хоры мамыр айының 7-9 шы жұлдызында Алматы қаласында өткен  «Жеті өнер» ҮІІІ Халықаралық шығармашылық фестиваль-конкурсына  жолдама алған болатын.

Нәтижесінде Алматы қаласында киелі сахна төрінде өнер көрсеткен «Асылым» балалар хоры Бас жүлдеге иегері атанып, «ҚАЗАҚСТАН ҮЗДІГІ» арнайы жүлдесімен марапатталып, Стамбул қаласына жолдама алды.

Байқауға Қазақстанның түкпір-түкпірінен 300-ге жуық бақ сынаушылар қатысты.

Балалардың өнерге қанатын қатайтып, баулып жүрген жетекші-ұстазы Гүлнұр Жұмағалиева да марапаттан тыс қалған жоқ. Өнерлі балалармен етене жұмыс жасап, олардың өнер әлемінде бақтарын сынауға күш-жігерін аямаған ұстазы да өлшеусіз еңбегі үшін "Үздік ұстаз" атанып, алғыс хатпен марапатталды. Құттықтаймыз!

Арал аудандық білім бөлімі