Өрт – тілсіз жау!
Өрт – аса қатерлі жау. Сондықтан да, бұған бей-жай қарауға болмайды. Айтып келмейтін апаттардан сақтану да күн тәртібіндегі басты мәселенің бірі. Сондықтан, қай кезде де тілсіз жауға тосқауыл қажет. Күннің күрт ысуына байланысты табиғи өрттердің орын алу қаупі арта түседі. Аптапта ыстық пен қуаңшылық кезеңінде ормандардағы өрт қауіпсіздігі ережелерін сақтаудың маңызы өте зор. Өрттердің көбі орман қорына көршілес орналасқан шаруа қожалықтары және ауыл шаруашылығы ұйымдарына тиесілі шабындықтарда өсімдік қалдықтарын жағу салдарына болады. Сондай-ақ, табиғат аясында демалушылар мен тұрғындардың өрт қауіпсіздігін сақтамауы да орын толмас оқиғаларға ұрындырады.Жыл сайын Қазақстан аумағы бойынша көптеген жерлерде өрт болып, айналасына қауіп төндіріп жатады. Бар дүниені жойып жатады. Қорықтың да басты мақсаты және табиғатымыздың келешек ұрпаққа қаз-қалпында сақтаудың бірден-бір жолы өртті болдырмау.Табиғат байлығын қорғауда Барсакелмес мемлекеттік табиғи қорығықызметкерлерінің маңызы зор. Өрттің алдын алу мақсатында Барсакелмес мемлекеттік табиғи қорығының инспекторлар құрамы мен мекеменің экологиялық ағарту бөлімінің қызметкерлері жүйелі жоспарға сай ауқымды іс-шаралар атқаруда. Ормандардағы өрт қауіпсіздігі талаптарының бұзылуының алдын алу мақсатында «ОРМАН» жедел-прафилактикалық іс-шарасы жүргізілуде. Сонымен қатар, қорыққа көршілес орналасқан ауылдардағы, елді мекендердегі тұрғындарға өрт қауіпсіздігі шаралары жайында үнемі ескерту қағаздарын таратып, олардың арасында мамандармен бірге үгіт-насихат жұмыстарын тұрақты жүргізіп келеді.
Құрметті аудан тұрғындары! Осы шараларды мұқият орындап, өртті болдырмауды және оның алдын алу жағдайларын қарастырып, баршамыз тілсіз жаудан аман болайық.
Ө.Дәндібаев
«Барсакелмес мемлекеттік
табиғи қорығы» РММ-нің
өрт сөндіруші қызметкері
