Баршамыз міндеттіміз
«Тазалық – денсаулық кепілі» демекші, адам денсаулығы көбіне өз тазалығына байланысты екені анық. Иә, қоқысқа толы жерде күнделікті ауа жұтып жүрудің өзін елестету мүмкін емес. Егер қоқыстардың арасында тұрар болсақ, ол кезде денсаулығымыз да сөзсіз әлсірері белгілі. Сол үшін әр адам тазалықты табалдырығынан бастағаны жөн емес пе?! Яғни үйдің ауласын, сонымен бірге көшені таза ұстасақ, ешқандай мәселе туындамайды.Өзіміз тұратын қаламызды таза ұстау әрбір тұрғынның басты міндеті болып табылады. Сонымен бірге бұл да бір мәдениеттіліктің белгісі. Халық мәдениетті болса, қала да таза тұрады. Сонымен бірге ауданымызда тазалық шаралары жүйелі жүріп жатқанын көзіміз шалып жүр. Тіпті түрлі сенбіліктер ұйымдастырылып, әр азамат тазалыққа аса жауапкершілікпен қарап жүр. Тағы айта кетерлігі, бүгінде қоғамдық жерлердің барлығында дерлік арнайы қоқыс тастайтын жәшік орналасқан. Адамдар да соған үйреніп, қоқысты жерге тастамай, арнайы жәшікке тастайды.
Ә. ҚУАНДЫҚОВА,
қала тұрғыны
