Толқын Tolqyn.kz ақпараттық агенттігі
» » » Дәстүрлі өнерге дем берер бастама

Дәстүрлі өнерге дем берер бастама

Талай төкпе ақынның төл бесігіне айналған Арал өңірі жыршылық өнердің өрісін кеңейткен мекен. Перзентінің аяғынан бұрын тілі шығатын топырақта жыршылықтың жалауы жығылмай келеді. Ал осынау сұңғыла өнерді кейінгі ұрпаққа аманаттау бүгінгі аға буынның өрендің алдындағы азаматтық борышы. Және осы ұстанымнан жаңылмай, жастарды жалынды, жігерлі, рухты өнерге баулуға арналған түрлі бастамалар қолға алынып, жүзеге асып келеді. Солардың бірі аудандық мәдениет орталығында жерлесіміз, белгілі жыршы Рысбек Әшімов атындағы жыр-терме үйірмесінің ашылуы десек қателеспейміз.
Салтанатты шараға қатысқан аудан әкімінің орынбасары К.Бержанов:
– Міне, өздеріңізбен бірге дарабоз жыршы Рысбек Әшімов атындағы жыр–терме үйірмесінің ашылуына куә болып отырмыз. Дәстүрлі орындаушылық өнерде өзіндік үнін қалыптастырып, тыңдаушысын тәнті еткен сұңғыла жыршы Рысбек Әшімов ұлттық өнердің өркен жаюына зор үлес қосты. Осындай белгілі тұлғалар есімін ұлықтап, рухани мұрамызды молайту жолындағы игі істеріңіз сәтімен болғай! – деп, ізгі лебізін арнады.
Сонымен қатар шарада жыршының жары Ләззат Оспанова мен шәкірті Серікқали Жұбаниязов ақжарма тілегін білдірді.
Сондай-ақ, салтанатты басқосуда Кете–Төлеби Досымжанұлы аудан әкімінің атынан арнайы сый-сыяпатты табыстады.
Оңталап ЖОЛДАСОВ

12 желтоқсан 2023 ж. 2 585 0