Толқын Арал аудандық қоғамдық-саяси газет
» » Финал алдындағы кездесу

Финал алдындағы кездесу

Облыс әкімі Қуанышбек Ысқақов «Қайсар» футбол командасының ойыншыларымен кездесті. Футболшылар осы жексенбіде Нұр-Сұлтан қаласындағы «Астана-Арена» стадионында атыраулықтармен Қазақстан Кубогын сарапқа салады. Маңызды матч алдында аймақ басшысы спортшыларға сәттілік тіледі.
«Футбол – әлемдегі бірінші ойын. Кубок үшін тартыста финалға шығу – үлкен жетістік. Сіздерден осы ойында да жеңіс күтеміз. Атыраулықтар «Қайсардың» қандай ойын көрсетерін тап басып айту қиын. Төтеннен соққы жасайтын мықты команда» деген көзқараста екен. Сондықтан командалық рухты жоғары ұстап, шеберлік көрсетіңіздер. Бұл ойын осы жылдың басты спорт жаңалығы болсын», – деді облыс әкімі.
Кездесуде «Қайсар» футбол клубының бас бапкері Стойчо Младенов сөз алып, аймақ басшысына алғысын білдірді.
«Айтулы сәтте бізбен бірге болғаныңыз – зор мәртебе. Қолдауларыңыз үшін алғыс білдіреміз. Ойыншылар сақадай сай. Дайындығымыз да жоғары деңгейде. Жеңісті күндерде жолығатынымызға сенеміз», – деді ол.
Шарада спортшылар облыс әкіміне 12-ойыншы жейдесін табыстады. Айта кетейік, «Қайсар» Қазақстан Кубогының финалында осы¬дан 20 жыл бұрын ойнаған.
https://syr-media.kz/sport/12446-final-aldynday-kezdesu.html
03 қазан 2019 ж. 193 0